பவள சங்கரி
ஹாய் குட்டீஸ் நலமா?
அன்றாடம் நம்மோடு உறவாடும் உயிர்களில் எறும்பு மிக முக்கியமானது இல்லையா? எறும்பைப் பார்க்காமல் இருப்பவர்கள் மிகக் குறைவு. இந்த எறும்பைப் பற்றி என்ன தெரியும் உங்களுக்கு? பெரிய தலையும், முழங்கையாக வளைந்த கொம்பும், உறுதியான தாடையும் கொண்ட ஒரு சிறிய பூச்சி வகையைச் சார்ந்தது. அளவில் மிகச் சிறியதொரு உயிரினமாயினும் பல தனிப்பட்ட தகுதிகளை உடையது இந்த எறும்பு. உலகம் முழுவதும் 10,000க்கும் அதிகமான எறும்பு வகைகள் இருக்கின்றன. பொதுவாக கூட்டமாக மண்ணிற்கு அடியிலோ, மண் தரையில் புற்று அமைத்தோ அல்லது மரத்தினிலோ வாழக்கூடியது.