Monday, June 22, 2020

மாற்றம் .. மாற்றம்




மாற்றம் .. மாற்றம் .. புரட்டிப்போடும் மாற்றம்

ஏற்றமெல்லாம் தரைமட்டமான ஏமாற்றம்

 

கழுவில் ஏற்றத் துடிக்கும் மாற்றம்

கடமையைக் கருவறுக்கும் மாற்றம்

மடமையை மதிலாக்கும் மாற்றம்

உடமையைக் கொளுத்தும் மாற்றம்

 

மாற்றம் .. மாற்றம் .. புரட்டிப்போடும் மாற்றம்

ஏற்றமெல்லாம் தரைமட்டமான ஏமாற்றம்

 

வாழ்வியலைச் சூறையாடும் மாற்றம்

வாக்கும்மனமும் வாடச்செய்யும் மாற்றம்

வளமையெலாம் வேட்டையாடும் மாற்றம்

வார்த்தையெலாம் நஞ்சாக்கும் மாற்றம்

 

மாற்றம் .. மாற்றம் .. புரட்டிப்போடும் மாற்றம்

ஏற்றமெல்லாம் தரைமட்டமான ஏமாற்றம்

 

பொருளாதாரமும் சேதாரமாகும் மாற்றம்

பொங்கவிடாமல் பொங்கும் மாற்றம்

பொற்பாதம் காணத்தவிக்கும் மாற்றம்

பொன்மாலையும் தீஞ்சோலையான மாற்றம்

 

மாற்றம் .. மாற்றம் .. புரட்டிப்போடும் மாற்றம்

ஏற்றமெல்லாம் தரைமட்டமான ஏமாற்றம்

 

இயலாதெனும் இம்சையான மாற்றம்
ச்சையெலாம் இழிவாக்கிய மாற்றம்
இயல்பெலாம் இங்கிதமற்றான மாற்றம்
ருப்பெல்லாம் இல்லாமல்போன மாற்றம்

 

மாற்றம் .. மாற்றம் .. புரட்டிப்போடும் மாற்றம்

ஏற்றமெல்லாம் தரைமட்டமான ஏமாற்றம்

 

 


Sunday, June 21, 2020

காலைக்களிப்பு!




காலைக்களிப்பில் காகங்களும்

கரைந்திருக்கும் காலம்

ஏனோ அந்த சோடிக்குயில்களை

காணவில்லை வெகுநாட்களாக.

வலசைபோன இடத்தில் வருவாய்

அதிகமாகி வளத்தில் மூழ்கி

பெருவாய் வேண்டா புண்ணியத்தில்

கனிவாய் தனித்திருக்கிறார்களோ?

அவ்வப்போது அணில்பிள்ளை வந்து

 பரபரவென தேடிச்செல்வதும்

அதற்கு நான் சமாதானம்சொல்லி

தடவிக்கொடுத்தும் சமாதானமாகவில்லை

என்மனம் நடந்ததென்ன கவிக்குயிலே

கார்மேகம் மறைத்துக்கொண்ட நிலவைக்

காணாமல் ஏங்கும் மின்னற்கீற்று

விசிலடித்து ஊர்கூட்டும் தென்றல்காற்று

சலசலத்து தாளமிடும் ஓடைநீர்

சங்கீதம் கேட்டு கரணமிடும்

குட்டிக்குரங்கு கதகளி ஆடும்

வண்ணமயில் கீச்சிட்டு கதைகேட்கும்

சின்னச்சிட்டு என நாங்களெல்லோரும்

தவித்துக்கொண்டிருக்கும் தருணத்தில்

தொலைந்து போகமாட்டீர்கள்! உங்கள்

பச்சிலைச் சத்தியம் பசுமையாய்

எங்கள் உள்ளத்தில் பட்டொளியாய்

பொன்னான நேரத்திற்காய் காத்திருக்கும்

உங்கள் சகியைக் காத்தருளுங்கள்.