Wednesday, November 3, 2010

தீபாவளி கொண்டாட்டம் !

தீபாவளி நல்வாழ்த்துக்கள் !

இனிய தீபாவளி நல்வாழ்த்துக்கள். இந்த முறை தீபாவளியை முன்னிட்டு
அதிக கலோரி வகையான இனிப்புகள் மற்றும் ஒரு கிரேவி ஸ்பெஷலாக செய்யலாம்.


* கடலை மாவு பர்ஃபி.

தேவையான பொருட்கள் :
கடலை மாவு - 100 கி.
நெய் - 100 கி
சக்கரை - 1 டீஸ்பூன்
ஏலக்காய் தூள் - 5 கி
பால் - 1/2 கப் [அ] 120 மி.லி.
குங்குமப்பூ - சிறிதளவு.

செய்முறை :- 10 கி.நெய், 1/4 கப் பால், இரண்டையும் கடலை மாவில் கலந்து கொள்ளவும்.மிருதுவாக பிசைந்து, சிறிது நேரம் வைத்து விடவும். மீதமுள்ள நெய்யை சூடு செய்து அதில் கலந்து வைத்திருக்கும் மாவை பூந்தி கரண்டியில் போட்டு தேய்த்து விட்டு,குறைந்த தீயில் சிறிது நேரம் கிளறி கீழே இறக்கி குளிரச் செய்யவும்.
சக்கரை 100 கிராம் எடுத்து கொஞ்சமாக தண்ணீர் விட்டு, கெட்டியான பாகாக காய்ச்சிக் கொள்ளவும். மீதமுள்ள பாலையும், ஏலக்காய்த்தூள், குங்குமப்பூ அனைத்தும் போட்டு, நன்கு கிளறி கீழே இறக்கவும்.

ஆறிய பின்பு, கடலை மாவு கலவையை எடுத்து அந்த பாகில் கலக்கவும். நன்கு கலந்த பின்பு ஒரு தட்டில் கொட்டி, செட்டாகச் செய்யவும். சிறிது நேரம் கழித்து விரும்பும் வடிவத்தில் துண்டுகள் போட்டுக் கொள்ளலாம்.

ஒரு துண்டு 450 கலோரிகள் வரை இருக்கும்.


சீதாப்பழ பாசந்தி :

தேவையான பொருட்கள் :

பால் - 1 லிட்டர்.
கல்கண்டு - 100 கி.
ஏலக்காய்த்தூள் - 5கி.
பாதாம் பருப்பு - 5கி
பிஸ்தா பருப்பு - 5கி
வெள்ளரி விதை - 5கி
சீதாப்பழம் - 2.

செய்முறை :- பாலை அடிகனமான பாத்திரத்தில் ஊற்றி நன்கு கிளறிக் கொண்டே காய்ச்சவும். தீயை குறைத்து வைக்கவும். பால் பாதியளவிற்கு சுண்டியவுடன் அதில் கல்கண்டு சேர்த்து கிளறவும். சக்கரை கரைந்தவுடன் கீழே இறக்கி வைத்து ஆற விடவும். பாதாம், பிஸ்தா, வெள்ளரி விதை அனைத்தையும் சன்னமாக சீவி அதில் சேர்க்கவும். ஏலக்காய் பொடியும் சேர்க்கவும். சீதாப்பழத்தின் விதைகளை நீக்கிவிட்டு பழக்கூழை மட்டும் பாசந்தியுடன் சேர்த்து கலக்கவும்.சில்லென்று பரிமாறவும்.

இதன் கலோரி அளவு 460.


சில்லி பன்னீர் : சைனீஸ் ஸ்டைல்!

தேவையான பொருட்கள் :

பன்னீர் - 200 கி
சோள மாவு [ corn flour] - 1/2 கப்.
மைதா மாவு - 2 டேபிள் ஸ்பூன்.
உப்பு - 1/2 டீஸ்பூன்
அஜினோமோட்டோ - 1/4 ஸ்பூன் [தேவையென்றால்]
மிளகாய் தூள் - 1 1/2 டீ.ஸ்பூன்
மிளகு தூள் - 1/2 டே.ஸ்பூன்
பேக்கிங் பவுடர் - 1/2 டீஸ்பூன்
பால் - 4 டே.ஸ்பூன்.

கிரேவிக்குத் தேவையானவை :

எண்ணெய் - 80 மி.லி.
வெங்காயம் பொடியாக நறுக்கியது -25கி
சிகப்பு மிளகாய் தூள் - 1 1/2 டீஸ்பூன்
இஞ்சி விழுது - 1/2 டீ.ஸ்பூன்
பூண்டு விழுது _ 2டீ.ஸ்பூன்
பச்சை மிளகாய் பொடியாக நறுக்கியது -2
கொத்தமல்லி இலை பொடியாக நறுக்கியது -2 டே.ஸ்பூன்.
1/4 ஸ்பூன் அஜினோமோட்டோ.
தண்ணீர் - 1 கப்.
சோள மாவு - 1 டே.ஸ்பூன்.
வினிகர் - 2 டீ.ஸ்பூன்
தக்காளி சாஸ் - 2 டீஸ்பூன்
சக்கரை - 1டீஸ்பூன்
உப்பு - 3/4 ஸ்பூன்
மிளகுத் தூள் - 1/2 டீஸ்பூன்
வெங்காயத்தாள் பொடியாக நறுக்கியது -3.

செய்முறை :- சோள மாவு, மைதா, உப்பு அஜினோமோட்டோ, மிளகாய் தூள், மிளகு தூள், பேக்கிங் பவுடர் ஆகியவற்றை ஒரு பாத்திரத்தில் போட்டு, தேவையான பால் கலந்து கெட்டியான பதத்தில் கரைத்துக் கொள்ளவும்.

பன்னீர் துண்டுகளை அந்த மாவில் போட்டு 5 நிமிடம் ஊறவிடவும். அதை எண்ணெயில் மொறு மொறுப்பாகப் பொரித்தெடுக்கவும்.

கிரேவி தயாரிக்க :-

சோள மாவை தண்ணீரில் கரைத்து, அதனுடன் தக்காளி சாஸ் வினிகர், சோயா சாஸ், உப்பு, சக்கரை மற்றும் மிளகு தூள் ஆகியவற்றைச் சேர்க்கவும்.

வாணலியில் எண்ணெய் விட்டு, வெங்காயத்தை வதக்கவும். சிகப்பி மிளகாய் விழுது [ மிளகாயை வேகவைத்து அரைத்துக் கொள்ளவும்]இஞ்சி விழுது, பூண்டு விழுது, பச்சை மிளகாய் கொத்தமல்லி இலை சேர்த்து வதக்கவும். அஜினோமோட்டோ சேர்த்து கலக்கவும்.

அடுத்து சோளமாவு கலவையை எடுத்து அதி ஊற்றி நன்கு கொதிக்க விடவும். அதை எடுத்து தனியாக வைத்துக் கொள்ளவும்.

பரிமாறும் பொழுது கிரேவியை திரும்ப சூடாக்கி, பன்னீர் பக்கோடாவை அதில் போட்டு சிறிது நேரம் கொதிக்கவிட்டு பாதி அளவிற்கு கெட்டியானவுடன் கீழே இறக்கி வைத்து விடவும். பரிமாறும் கின்னத்தில் போட்டு , பொடியாக நறுக்கிய வெங்காயத்தாளை தூவி அலங்கரிக்கவும்.

10 comments:

  1. இனிய தீபாவளி நல்வாழ்த்துக்கள்

    ReplyDelete
  2. இனிய தீபாவளி வாழ்த்துக்கள் :)

    ReplyDelete
  3. உங்களுக்கும் குடும்பத்தினருக்கும் இனிய தீபாவளி வாழ்த்துக்கள்!

    அருமையான குறிப்புகளுக்கும் நன்றி!

    ReplyDelete
  4. நன்றிங்க வெங்கட்.

    ReplyDelete
  5. ராமலஷ்மி நன்றிங்க.

    ReplyDelete
  6. இனிய தீபாவளி நல்வாழ்த்துக்கள்.

    ReplyDelete
  7. நன்றிங்க அம்பிகா.

    ReplyDelete
  8. இனிய தீபத்திருநாள் வாழ்த்துகள் மேடம் !

    ReplyDelete
  9. இனிப்பைவிட காரம் அருமையாக இருக்குமென்று நினைக்கிறேன்.

    அன்பான தீபாவளி வாழ்த்துகள் நித்திலம்.

    ReplyDelete