Posts

Showing posts from August 29, 2010

இந்திய திருநாட்டின் மறுமலர்ச்சியில் பெண்கள் -[ பாகம் - 3 ]

ஆஷாதேவி ஆர்யநாயகம் [1901- 1970]
ஈழத்து மருமகளான ஆஷாதேவி ஆர்யநாயகம் கல்விப்பணி என்பதையே உயிர் மூச்சாகக் கொண்டு, தன் வாழ்க்கையையே அதற்காக அர்ப்பணித்தவர். இவருடைய கணவர் ஆர்யநாயகம், ஈழத்து கிராமத்தில் பிறந்து, ஐரோப்பாவில் உயர் கல்வி பயின்றவர்.

அன்ன சத்திரமாயிரம் வைத்தல் ஆலயம் பதினாயிர நாட்டல் பின்னருள்ள தருமங்கள் யாவும் பெயர் விளங்கி யொளிர நிறுத்தல் அன்ன யாவினும் புண்ணியங் கோடி ஆங்கோ ரேழைக் கெழுத் தறிவித்தல்.
என்ற பாரதியின் வரிகளுக்கு இலக்கணமாக இவ்விருவரும் கல்விப்பணி ஒன்றையே தங்கள் வாழ்க்கையின் குறிக்கோளாகக் கொண்டு வாழ்ந்தவர்கள்.


ஆஷாதேவி, ஆர்யநாயகம் இருவரும், வார்தாவில் உள்ள மார்வாடி வித்யாலயாவில் ஆசியர்களாகப் பணியாற்றிக் கொண்டிருந்தனர். ஜமுனாலால் பஜாஜ், அவர்களை சாந்திநிகேதனிலிருந்து அழைத்து வந்திருந்தார். 1937ம் ஆண்டு மகாத்மா காந்தியடிகள் சேவாகிராமத்தின் கல்வி மகாநாட்டிற்கு அழைப்பு விடுத்திருந்தார். இந்தியாவின் அனைத்துப் பாகங்களிலிருந்தும் வல்லுனர்கள் அங்கு கூடியிருந்தனர். ஆஷாதேவியும், ஆர்யநாயகமும்…

இதயப் பிணி......

Image
துன்பத்தை இன்பமாக்கும் அறிவாளியை மூடனாக்கும் கோழையை வீரனாக்கும் வீரனைக் கோழையாக்கும் ஆசையை அடக்கச் செய்யும் தேவையை மறுக்கச் செய்யும் இருளுக்கு ஒளி சேர்க்கும் ஒளியை மூடி மறைக்கும் தனிமைக்குத் தீனி போடும் தனிமையை பிடுங்கித் தின்னும் அன்புக்கு உறவாகும் உறவுக்குப் பாலமாகும் துயருக்கு மருந்தாகும் கூட்டுக் குடும்பத்தின் ஆணி வேராகும்.... இதயத்தின் பலமாகும் இதயத்தின் பிணியுமாகும் - பாசம்

அன்பு மட்டும் போதுமா....?

அன்று வங்கியில் கூட்டம் சற்று அதிகம். சனிக்கிழமையாதலால், வேலையை சீக்கிரம் முடிக்க வேண்டுமே என்ற வேகத்தில் பரபரப்பாகச் செயல் பட்டுக் கொண்டிருக்கும் வேளையில் மொபைல் போன் சிணுங்கியது.
இந்த நேரத்தில், யாராக இருக்கும்? அநேகமாக தன் கணவனுடைய அழைப்பாக இருக்கும் அல்லது தன்னுடைய ஒரே செல்ல மகள் அட்சயாவாக இருக்கும். சாப்பிடும் நேரத்தில் ஏதாவது தேவையாக இருக்கும். அதற்காக கூப்பிட்டிருப்பாள்.
ஹலோ.... என்றாள். பதிலே இல்லை.
எண்ணைப் பார்த்தாள். வீட்டிலிருந்துதான் அழைப்பு மணி ஒலித்திருக்கிறது. அட்சயாவாகத்தான் இருக்கும். ஏன் பேசவில்லை என்று யோசிக்கும் போதே, திரும்ப மணி ஒலித்தது.
'ஹலோ' , என்றாள் திரும்ப.
' அம்மா, சீக்கிரமா உடனே வீட்டுக்கு வாங்க '. மகள் அட்சயாவின் நலிந்த குரல். ஏதோ தப்பு நடந்திருக்கு. 'என்னம்மா, என்னாச்சு', படபடப்பாகக் கேட்டாள், அபி.
'சீக்கிரம் வீட்டுக்கு வாங்க, ப்ளீஸ்.......' குரல் என்றுமே இல்லாத அளவிற்கு வித்தியாசமாக இருந்தது.
'நான் வந்துகிட்டே இருக்கேன் அட்சு, என்னடா நடந்தது, சொல்லும்மா.......…

இனியும் விடியும்.............

Image
பதின்மத்தின் பட்டொளி வேட்கை கொழுந்து விட்டு எரிந்த காலம் கூண்டுக் கிளி பேசிய காலம் கூட்டுக் குயில் பாடிய தீரம் பிரசவ வேதனையில் பூத்த மொட்டுக்கள் மண்ணில் மணம் பரப்ப ஏங்கிய ஏக்கம்............................ ஏக்கத்தின் தீவிரத் தாக்கம் தாக்கத்தை தணிக்கத் தேடிய மேதகம் திருப்பி அனுப்பி குப்பையாக்கிய சோகம் முடிவுற்று, புதிய களம் கிடைத்த பூரிப்பு சொந்தப் பூவாக நினைத்து முகர கபடமற்ற மழலையென அடியெடுக்க எண்ணிய எண்ணமாங்கு செயல்பட முளைத்தது மற்றுமொறு கோடாறி பல்லில் சிக்கிய துணுக்கென உறுத்தியது. துணைக் கழைத்த இயற்கை சீற்றம் கொள்ளாமல் குளிர்ச்சியூட்டினாலும் மனிதம் மட்டும் மறத்துப் போகிறது. அழகான பூவென்று அள்ளி முகறும் போது, ஈழத்து வேதனை போல வலையில் சிக்கிய பூவெனப் புரிந்தது...... பதின்மத்தின் வேதனை.......தொடர்ந்தது.....