Posts

Showing posts from June 19, 2011

பாசம்!

Image
சுழன்று சுழன்று சூறைக் காற்றாய் சுற்றியடிக்கும் பாசம்!
நெருக்கி நெருக்கி திணறச் செய்யும் பாசம்!
நெருங்கி நெருங்கிச் செல்ல வழுக்கிச் செல்லும் பாசம்!
பிரித்து, பிரிந்து பேரிடர் செய்யும் பிரிய பாசம்!
பழித்து, கிழித்து இதயம் பிளக்கும் பாசம்!
சிரித்து, சிறைப் பிடித்து சித்தம் கலக்கும் பாசம்!
மறைத்து, மறைந்து மனதை மயக்கும் பாசம்!
கொடுத்து, பிடுங்கி கொடுமையாய் கும்மாளமிடும் பாசம்!
அடித்து, அணைத்து அசட்டையாய் அன்பு பொழியும் பாசம்!
நெருங்கினால், பிரிந்து, பிரிந்தால் நெருங்கி சாலம் காட்டும் மாயம்!
[அந்த பாசம்]

அழகில் தியானம்

Image
அழகில் தியானம்

பசுமையில் ஒரு தெளிவு
வெண்மையில் ஒரு அமைதி
தனிமையில் ஒரு இனிமை
அழகில் வரும் நிறைவு
தியானம் ஒரு தெய்வீகம்!

முதுமை நம்பிக்கை!

Image
கடினமான கற்பாறையும் இணையாகுமா?
நளினமான பசுந்தளிரும் இணையாகுமா?
பகட்டான பாசியும் இணையாகுமா?
வறண்ட பூமியும் இணையாகுமா?
பாறையைத் தாண்டிய பாலைவனமும்
இணையாகுமா அன்னையேயுன் மன உறுதியின் முன்!
வழியில் கிடந்து சிரிக்கும் வண்ணமலரே
வாழும் வகையறியாயோ மென்மலரே
காலம் உனக்கும் நலல நண்பன்
பாழும் உலகில் மிதிபடாமல் அன்புகாட்டி
நாளும் உனைக் காக்க நல்லோர் பலரிருக்க
வீழும் அச்சம் உனக்கின்றி அமைதியாய்
வண்ணமும் நல் எண்ணமும் மேலோங்க
மின்னும் நட்சத்திரமாய் ஒளி வீசுகவே!

வெண்ணிலவில் ஒரு கருமுகில் (14)

Image
வெண்ணிலவில் ஒரு கருமுகில்!


காலம் என்பது சில நேரங்களில் மின்னல் வேகத்திலும், பல நேரங்களில் ஆமை வேகத்திலும் கடந்து செல்வது அவரவர் மன நிலையைப் பொறுத்ததுதானே! மனது உற்சாகமாக இருக்கும் வேளையில் நேரம் துள்ளிக் கொண்டு தன்னையறியாமலேயே சென்று விடும் ஆனால் குழப்பமும், சலிப்பும் இருக்கும் நேரத்தில் நேரம் எப்படி விரைவாக கடக்கும்? அப்படித்தான் மாறனுக்கும் ஒவ்வொரு நொடி போவதும் ஒரு யுகம் போவது போல பாரமாக இருந்தது. சில விசயங்கள் கற்பனையைவிட நேரில் சந்திப்பது மிகக் கடினம்.ஆம், மாறன் இப்போது இருப்பதும் அதே நிலைதான்! இது போன்று ஒரு சூழல் வராதா, என்று ஏங்கிய காலம் போய் இன்று அவந்திகாவை நேரில் சந்திக்கும் அந்தக் கணத்தைத் தவிர்க்கவே அவன் உள்ளம் விழைந்தது. தன் மனசாட்சியிடமிருந்து தான் தப்பிக்க வேண்டிய கட்டாய சூழலில் அல்லவா இருக்கிறான். சுயநலம் என்ற ஒன்றின் அடிப்படையில் நடத்தும் வாழ்க்கை அமைதியை கொடுக்காதே.இருந்தாலும் இது கூட ஒரு கோழைத்தனமான செயலாகப்பட்டது அவனுக்கு.

ரம்யா அவனை பார்த்த பார்வையில், அவனுக்கு விளங்கியது தன்னுடைய முகத்தின் போக்கு எப்படி இருக்கின்றது என்பது..அவனை மேலிருந்து கீழாக அவள் …