Posts

Showing posts from February 10, 2013

வெற்றிக் கனியை எட்டிப்பறிப்போம்! (3)

Image
பவள சங்கரி

நிலையான குறிக்கோளும், தெளிவான சிந்தையும்!


நாம் எல்லோருமே வாழ்க்கையில் வெற்றியாளர்களாக இருப்பதையே பெரிதும் விரும்புகிறோம். எங்கு வெற்றி, எதில் வெற்றி என்று நிலையான ஒரு குறிக்கோள் இருந்தால்தானே அந்த வெற்றிப் பாதையை நெருங்க முடியும். குறிக்கோள் இல்லாத வாழ்க்கை என்பது இலக்கு இல்லாத ஓர் பயணம் போன்றது. மேலோட்டமாக, பொத்தாம் பொதுவாக ஒரு குறிக்கோள் என்பதைவிட உறுதியான மற்றும் நிலையானதொரு குறிக்கோளைக் கொண்டிருத்தல் வேண்டும். அதற்குத் தெளிவான சிந்தனை வேண்டும். நாம் சாதிக்க நினைக்கும் விசயங்களை முதலில் பட்டியலிட வேண்டும்.


உதாரணமாக நம் இலட்சியம் குடியிருப்பதற்கு ஒரு அழகான வீடு கட்ட வேண்டும் என்றால், அந்த வீடு எந்த அளவில், எந்த இடத்தில், அதாவது நகரத்தின் மையப் பகுதியிலா அல்லது  நகர எல்லையை விட்டு அமைதியான ஒரு பகுதியிலா என்பது போன்றதோடு அதற்கான செலவு எவ்வளவு ஆகும் போன்ற அனைத்தையும் தெளிவாகப் பட்டியலிட வேண்டும். இதில் மிக முக்கியமானது நம் சக்திக்கு உட்பட்ட இலட்சியமாக இருக்க வேண்டியது. நம் தகுதிக்குத் தகுந்த குறிக்கோளை நிர்ணயிக்க வேண்டியது அவசியம். ஒரு சிறிய வாடகை வீட்டில் குடியி…

காதலின் வேதம்

Image
பவள சங்கரி




காதலின் கீதம் – Song Of Love (Khalil Gibran) – மொழிபெயர்ப்பு



காதலர்களின் விழிகளும் யானே
இச்சையூட்டும் இன்பரசமும் யானே
மற்றுமந்த உளத்தின் ஊட்டமும் யானே விடியலில் மலரும் மனமும்  முத்தமிட்டுத்தம் அமுதகத்தின்மீது கிடத்திக்கொள்ளும் அக்கன்னியவளையும் கொண்டதோர் ரோசாவும் யானே.


நிலையான செல்வத்தின் இல்லமும் யானே
இன்புறவின் துவக்கமும் யானே.
சாந்தம் மற்றும் கலக்கமின்மையின் தொடக்கமும் .யானே
இரமியத்தின் இதழின் மீதான் மென்னகையும் யானே
எம்மைத் தொடர்ந்து பற்றும் தருணமதிலந்த யுவன்தம் கடமையையும் மறந்து, அவர்த்ம் முழு வாழ்வும் இன்பக்கனாவின் நிதர்சனமாகிறது.

பாட்டி சொன்ன கதைகள் (2)

Image
பவள சங்கரி
ஒன்னா இருக்கக் கத்துக்கணும்!
ஹாய் குட்டீஸ்… நலமா?

இன்னைக்கு நாம பார்க்கப்போற கதை மிக முக்கியமானது. ஏன்னு கடைசீல சொல்றேன். சரியா…? கவன்மா கேளுங்க செல்லங்களா..

ஒரு பெரிய காடு. அங்கே நிறைய மிருகங்களெல்லாம் இருந்துச்சாம். காட்டுக்கு ராஜா சிங்கம்தானே..? அந்த சிங்க ராஜா ரொம்ப வயசான கிழட்டுச் சிங்கமாம். ஓடியாடி இறை தேட முடியலையாம். சிங்கம் வரச் சத்தம் கேட்டாலே எல்லா மிருகங்களும் ஓடி ஒளிஞ்சிக்குமாம்.ஆனா நாலு எருது நண்பர்கள் மட்டும் தைரியமா சுத்திக்கிட்டிருந்திக்கிட்டிருந்துகளாம். காட்டெருமையானாலும், சிங்க ராஜாகிட்ட யாரும் தப்பிக்க முடியாதுல்ல.. ஆனா இந்த நாலு எருதுகளும் எப்பவும் ஒனனாவே  சுத்திக்கிட்டிருப்பாங்களாம். சிங்கம் வந்தால் நாலும் சேர்ந்து வந்து பயங்கரமா சண்டை போட்டு விரட்டியடிச்சுடுவாங்களாம்.. சிங்க ராஜாவுக்கு கோபம், கோபமா வருமாம்.. நம்மளையே இதுங்க இப்படி கேலி செய்யுதுங்களே.. இதுங்களை எப்படியாவது கொன்னு சாப்பிடனும்னு கங்கணம் கட்டிக்கிட்டு அலைஞ்சுக்கிட்டிருந்துச்சாம். ஆனா அதுனால ஒன்னுமே செய்ய முடியலையாம்.

ஒரு நாள் ஒரு நரி சிங்க ராஜாவைப் பார்க்க பரிசுகளோட வந்துச்சாம…

வாலிகையும் நுரையும் (11) - கலீல் ஜிப்ரான்

பவள சங்கரி

இரமியத்திற்கப்பால் எந்த மெய்ஞானமோ அன்றி  விஞ்ஞானமோ  இல்லை.
யானறிந்த ஒவ்வொரு உயர்ந்த மனிதனும் ஏதோ சிறிய அளவிலேனும் ஒப்பனை செய்திருந்தனர்; மேலும் அந்தச் சொற்பமே  அவனை மந்தமாக இருப்பதிலிருந்தோ அல்லது பித்துக்குளித்தனத்திலிருந்தோ அன்றி தற்கொலையிலிருந்தோ காக்கிறது.
 எவரையும் அதிகாரம் செலுத்தாமலும், எவரிடமும் அடிபணியாமலும் இருப்பவர் எவரோ அவரே உண்மையில் பெரிய மனிதர்.

அவன் குற்றவாளிகளையும் தீர்க்கதரிசிகளையும் அழிப்பதாலேயே அவனையோர் சராசரியானவன் என்று எளிதாக நம்பிவிடமாட்டேன்.

இறுமாப்பெனும் பிணியுடனான காதற்பிணியே பொறுமையென்பது.

புழுக்கள் திரும்பலாம்; ஆனால் இரசிகங்களும் (யானைகள்) கூட விட்டுக்கொடுக்குமென்பது விநோதம் இல்லையா?