Posts

Showing posts from August 13, 2017

இனிய சுதந்திர தின நல்வாழ்த்துகள்!

Image
அந்நிய ஆதிக்கத்திலிருந்து நம் இந்தியத் திருநாடு சுதந்திரம் பெற்று 70 ஆண்டுகள் நிறைவுற்று இன்று 71 ஆம் ஆண்டில் அடியெடுத்து வைக்கும் இனிய தருணத்தில் நம் சுதந்திரத்திற்காக பாடுபட்டு இன்னுயிரையும் ஈந்துள்ள தியாகச் செம்மல்களை நினைவுகூர்வோமாக! நம் நாட்டின் முன்னேற்றத்தில் மகளிரின் பங்கு குறிப்பிடும் வகையில் அமைந்திருப்பதும் மகிழ்வான செய்தி. சமுதாய வளர்ச்சியில் பெண்களின் பங்கு! ஒரு சமூகத்தின் வளர்ச்சி என்பது தனிமனிதர்கள் வளர்ச்சியின் அடிப்படையிலேயே அமைய முடியும். அத்தகைய தனிமனித வளர்ச்சியின் ஆணி வேராக இருப்பவர்கள் பெண்கள் மட்டுமே.ஒவ்வொரு ஆணின் வெற்றிக்குப்பின் மட்டுமல்ல வாழ்வாதாரத்தின் அடிப்படையிலேயே பெண்தான் இருக்கிறாள் என்பதே நிதர்சனம். ஒரு சில விதிவிலக்குகள் இருந்தாலும் பெரும்பான்மையான சமூக அமைப்புகள் பெண்களின் தன்னலமற்ற சேவையின் மூலமே கட்டமைக்கப்பட்டுள்ளன. அதாவது பாலின வேற்பாடுகளின்றி, சமுதாய முன்னேற்றத்தில் ஆண்களுக்கு இணையாக பெண்களின் பங்களிப்பும் உள்ளது. தற்போது பெண்களுக்கு ஆண்களுக்கு நிகராக சம ஊதியம், சம கல்வி, சம வேலை வாய்ப்புகள் என பல்வேறு வகையான வாய்ப்புகளும் பெருகி வருவதும் கண்கூட…

A Ruby – மாணிக்கம்

Image
கொரிய மூலம் : கிம் யாங் – ஷிக்
ஆங்கில மூலம் : கிம் ஜின்மன்
தமிழாக்கம் : பவள சங்கரி
மலையுச்சியில் கருகுமொரு மலரது,
நொறுங்கியதொரு இருதயத்தின் 
வழியுமொருத்துளிக் குருதி,
வெள்ளியாய் ஒளிரும் ஆழ்கடலினூடே
எவருமறியா, தூய்மையானதோர் நிர்வாணத்துளி
மர்மமிகு காலைக் கடலினூடே
புதைந்து கிடக்கிறது.
இரவின் பின் இரவாக
இப்புவியை கனவின் கனவாக்கி
தீச்சுவாலையாக உருக்கொண்டதது.